Գործիքային հետազոտություններ

Արամյանց ԲԿ-ում ժամանակակից սարքավորումներով իրականացվում են հետևյալ գործիքային հետազոտությունները.

Համակարգչային տոմոգրաֆիա

Արամյանց բժշկական կենտրոնում ներդրվել է Siemens ընկերության գերժամանակակից SOMATOM GO UP 2021 սարքավորումը, որն ունի մի շարք կարևոր առավելություններ.

Անվտանգություն. Պատկերի գերազանց որակը պահպանվում է նույնիսկ ճառագայթման ամենացածր չափաբաժինների դեպքում: Զգայուն օրգանները հուսալիորեն պաշտպանված են սկանավորման ժամանակ:

Բարձր ճշգրտություն. Այս սարքավորման դեպքում պատկերները ստացվում են հնարավորինս պարզ

Բարձր արագություն. SOMATOM go.Up սարքը սկանավորում է շատ ավելի արագ, քան իր նախորդները՝ կրճատելով հետազոտության ժամանակը:

Սկաները թույլ է տալիս կատարել եզակի սկրինինգային հետազոտություններ (թոքերի հետազոտություն ճառագայթման փոքր չափաբաժնով, վիրտուալ կոլոնոսկոպիա), ախտորոշել օնկոպաթոլոգիաները ամենավաղ փուլերում և կատարել արյան անոթների անգիոգրաֆիկ հետազոտություններ:

Սարքի առավելություններից է նաև այն, որ կարողանում ենք հետազոտել նաև մեծ քաշ ունեցող պացիենտներին (մինչև 220կգ):

Ուլտրաձայնային հետազոտություն

Սոնոգրաֆիան ժամանակակից ոչ ինվազիվ հետազոտության մեթոդներից է, որի ժամանակ ճառագայթում չի կատարվում:

Այն լայնորեն կիրառվում է տարբեր օրգան-համակարգերի հիվանդությունների ախտորոշման ժամանակ:

Արամյանց ԲԿ-ում կատարվում է սոնոգրաֆիկ բոլոր անհրաժեշտ հետազոտությունները.

որովայնային սոնոգրաֆիա

կրծքագեղձի սոնոգրաֆիա

վահանաձև գեղձի սոնոգրաֆիա

լիմֆատիկ հանգույցների սոնոգրաֆիա

թքագեղձերի սոնոգրաֆիա

փոքր կոնքի օրգանների սոնոգրաֆիա

միզասեռական օրգանների սոնոգրաֆիա

դոպլեր սոնոգրաֆիա

ոսկրերի սոնոգրաֆիա

հոդերի սոնոգրաֆիա

Գաստրոսկոպիա և կոլոնոսկոպիա

Գաստրոսկոպիան (ԷԳԴՍ) կերակրափողը ,ստամոքսը և 12-մատյա աղին հետազոտելու ամենաարդյունավետ մեթոդն է, որը թույլ է տալիս ախտորոշել այս օրգանների բորբոքային ախտահարումները, էռոզիաները, խոցերը, նորագոյացությունները։

Իսկ կոլոնոսկոպիայի ընթացքում հետազոտում ենք հաստ աղին և զստաղին։ Հետազոտությունը թույլ է տալիս հայտնաբերել հաստ աղու բորբոքումները, էռոզիաները, խոցերը, դիվերտիկուլներն ու նորագոյացությունները։ Ախտորոշում ենք նաև Կրոնի հիվանդությունը և ոչ սպեցիֆիկ խոցային կոլիտը։ Ըստ անհրաժեշտության՝ հետազոտության ժամանակ կատարում ենք նաև բիոպսիա։

Արամյանց ԲԿ-ում կիրառվում է Pentax ընկերության ժամանակակից գերբարակ և ճկուն սարքը, որի արդյունքում հետազոտությունը պացիենտի համար անցնում է առավելագույնս կոմֆորտ և թեթև։

Ռենտգեն հետազոտություն

Ռենտգեն հետազոտությունը դիագնոստիկայի առաջնային օղակի կարեւորագույն մեթոդներից մեկն է։ Արամյանց բկ-ում գերմանական արտադրության բազմաֆունկցիոնալ թվային ապարատը թույլ է տալիս ապահովել բարձր որակի պատկեր ճշգրիտ հետազոտության համար, տալ պատասխան տարբեր ռակուրսներից, կատարել կոնտրաստային հետազոտություններ։